Hindi naman lokal na selebrasyon ang haluwin.

Bukas Nobyembre na at ehem, wala pa ring sweldo galing sa gobyernowz. Kapag sa pasukan ng ikalawang semestre, wala pa rin akong sahod, aba, tuluyan na akong magiging j3j3mOn Pho3WhhZz. Peksman.

Uuwi ako ngayon at baka hindi makapag-online ng ilang araw. Baka ha, baka. Probinsya kasi kami na pinaghalong pangingisda at pagtatanim ng tubo ang pangunahing pinagkakakitaan. AT hindi lifetsyle ang pagkakaron ng wifi sa bahay. Para lang yun sa mga may kayang taga-lungsod at ginagawang bakasyunan ang bayan namin. Parang ikaw na nagbabasa nito. Lols.


Anyways, ako ay masayang magbabyahe pauwi. Apat na oras na nakaupo. O nakatayo sa bus. Depende sa dami ng sabik umuwi o magbakasyon sa aming bayan na napaliligiran ng dagat na siksik sa isdang galungong at tanige. Pero yakang-yaka yan. Apat na oras nga ako umakyat ng bundok nun na walang paghahanda eto pang pagtayo sa bus na halo-halo ang amoy na airfreshener ang di kakayanin. Lalaban si Palaboy.

Dadalhin ko ang Perfume ni Patrick Suskind. Akma ang istorya sa panahon ng mga yumao. Sa tahimik na mga panahon katulad nito, gusto ko magbasa ng istorya ng pagpatay. Hihi.

Dalangin ko na makabakasyon kayo ng husto. Magamit ang oras para komonekta sa mga pamilya at kaibigan. At makapagpahinga talaga. Malayo sa stress ng pang-araw araw natin buhay.

Kung kayo ay katulad kong sa probinsya naghigh school, malamang na ang November 1 ay reunion ng mga magkakaibigan, kabatch at mga ex na kinalimutan na. Pag-uusapan ulit yung mga nakaraang relasyon at makikita kung paano nagbago ang lahat pero hindi pa rin naka-move on ang mga tao sa alaala noong panahon ng pagbibinata at pagdadalaga.

Buti na lamang at nawala ang friendster na saksi sa mga kakornihan namin noon. Yang mga testimonials na yan, hadlang ang mga yan sa aking pagtakbong senador sa susunod na eleksyon. Masyadong madaming pangblackmail dun. Haha. Sandali ang random na ng mga sinusulat ko.

Basta isa sa gagawin ko ay maghanap ng puntod na mas matanda sa 1930. Taon-taon ko yang ginagawa. At two years ago pa yung 1930. Hindi ko alam kung may mas matanda pa sa puntod na yun sa semesteryo malapit sa amin.

Pag di ako nakatiis, hahanap ako ng paraan mag-online. See you all when I see you!