Looper, tsubibo night

Dahil tapos na ang semestre, nagkitakita ulit kaming mga magbabarkada na nagtuturo sa unibersidad. Magkakaiba kasi kami ng kolehiyo at malalayo ang gusali sa bawat isa. Matapos ang isang buwan, nakita namin na tumanda ang mga mukha namin ng pitong taon. Hindi kasi madali mag-check ng mga requirements at exam ng mga bagets.

Kain lang sana sa labas. Ako, si Jops, si Andrew. Kaya lang, nagsabi si Jops na gusto manood ng sine. Ayaw ni Andrew kasi pumunta sila ng asawa niya nung isang araw sa sinehan at walang nakitang magandang palabas. Okay lang sana sa akin manood ng sine basta Tiktik ang panonoorin. Si Jops, buo na pala ang utak na manonood kami ng Looper.

Kaya ang kainan na dapat ay gagawin sa Morato Area ay nauwi sa Trinoma. Dadalhin ni Andrew ang asawa niya, na okay lang dahil hindi naman boys-night out. Saka swabe kasama ang asawa niya, parang one of the boys, kaya ayos lang sa amin. Hindi pwede sa ganitong lakaran yung mga nag-i-insist na babae sila at kelangan ng espesyal na atensyon. Atensyon our kilikili. Lols.

Dahil may common friend ako, si Jops at si Andrew na nagtuturo din sa unibersidad na hindi namin masyado nakakahang-out sinama na rin namin si Miss Jay. Babae pero Jay ang pangalan. Tatlong lalaki at dalawang babae, sakto na para ituloy ang spontaneous na labas.

Tiktik pa rin ang gusto ko sana manoorin kaya lang masyadong pihikan tong si Jops. Hindi nanonood ng lokal na pelikula. Si Andrew, hindi mahilig sa horror. Si Jay lang kakampi ko. E dahil si Jops ang pinakamaselan sa mga lakaran, pinagpaubaya ko na sa kanya ang desisyon na panonoorin.

Orihinal ang konsepto ng Looper. Looper ang tawag sa mga pumapatay ng tao mula sa hinaharap kapalit ang mga bareta ng pilak. May kasabwat na sindikato shiz. Puno ng testosterone ang pelikula --pasabog, baril, away na bayolente, frontal nudity, bebot, french words, dugo at telekinesis. Kaya R16 ang rating ng MTRCB.

Sulit ang gastos ng big screen at surround audio, na tanging pagkakaiba kung ito-torrent mo ang pelikula. May mga scenes na kung gagawin mong still shots ay parang hinugot sa mga horror movie. Kaya kahit Tiktik ang gusto ko, mala-Tiktik ang pambabraso ng ilang parte ng Looper. Ayos na rin.

Ito ang ilan sa mga na-digs namin sa pelikula:

1. Sa hinaharap, digs ng mga chicks ang mga lalaking may telekinesis.
2. Frog toys as sex toys? Ayon yata ang ini-spouse ng pelikula.
3. Kung paulit-ulit at cyclical na ang mga awayan sa pamilya at opisina, pwedeng ishot gun ang sarili.
4. Kung trip ngayon ng mga emo ay paglalaslas, sa hinaharap sinusugatan nila ang sarili para makapagtext sa sarili nila.
5. Kapag nag-aral ka ng French, pupunta ka ng China.

Bago umuwi, nagdidiskusyon kami kung ang tsubibo ba ay Filipino ng merry-go-round carousel o ng Ferris wheel.Pakana ni Jops.