Wala akong non-negotiables.

Yan ang napagtanto ko matapos ang dalawang araw na pag-iisip. Imperness, kahit naliligo ako o bago matulog naaalala ko pag-isipan kung may non-negotiables ba ako. Tapos nga nung nakasakay ako sa jeep papunta ng unibersidad, naisip ko na wala talaga akong fixed na dapat swak dun si future lovey-dovey mahal.

Sa punto ng buhay relasyon ko na sa ngayon ay zero, maghahanap pa ba ako ng dyosa? lols.

Pero naisip ko gumawa ng listahan ng mga gusto ko na lang, o yung initially nakakapag-attract sa akin.

1. Malinis ang kuko at malinis tingnan ang paa.
2. Malusog. Hindi ko gusto ko balingkinitan.Iba pa rin ang may laman ng konti na masarap yakapin.
3. Mahilig magluto at mahilig kumain.Tataba galore kami hanggang maging kami na ang bagong definition ng universe na expanding.
4. Mahilig sa hayop. Hayop kasi ako so dapat mahilig siya sa mga kauri ko. 
5. Literate syempre. Mahilig magbasa ng libro. Hindi yung tatanungin pa ang gusto ko para magustuhan niya rin pero may set of preferences na dapat siya. Ayoko ng ako nag-iisip ng gugustuhin niya. Ayoko ng walang pantayong pananaw sa literatura. Seryoso. Nabobobohan ako dun.
6. Sumasayaw. Dahil kapag nagsasama na kami at wala nang makain ang pamilya, sasayaw na lang kami.
7. Naiintindihan ang pangangailangan ko ng prayvasi at espasyo.
8. Iba syempre ang may sense of humor. Gusto ko sa everlasting relationship na may tawanan kami. Oo, hanap ko talaga ay entertainment showcase.
9. Madumi ang pusod. Juk lang. Haha.