Tama ng alkohol sa isang college instructor

Hindi ko pa kaya ang TGIF gimmick dahil wala pa akong sweldo bilang fakulti ng unibersidad. Kaya nagdesisyon akong bumili na lamang ng dalawang bote ng tanduay ice, umuwi diretso at magbasa.

May tatlong non-fiction na mga bagong libro akong nakita sa library kanina. At nito lamang, habang binuksan ang unang bote ng alkohol ay sinimulang basahin ang isa sa tatlong aklat. Background music ko ang album ni Dave Matthew na Crash. Ang seksi lang ng album.

Napapaisip ako na pinaggagawa ko sa buhay ngayon. At sa dahilan kung bakit ako nagtuturo. O kung ano nga ba talaga ang papel ko bilang instraktor sa kolehiyo.


Given na tini-train sila para maging mangagawa o propesyonal sa kinabukasan. Pero hindi siya magandang end goal ng pagtuturo. Parang nililimitahan ko ang edukasyon ng mga bagets para magfit sila sa kung ano man ang dinidikta ng economic market. Parang walang saysay ang edukasyon kung pera-pera lang ang pag-uusapan o marketability sa pagkakaroon ng trabaho. Bagamat hindi ko din naman sinasabi na hindi ito mahalaga.

Habang syempre nakikinig ng musika at paunti-unting pinapasok sa katawan ang alkohol, naisip ko na ang pangarap ko bilang instraktor sa kolehiyo ay ganito. Na sa dulo ng semestre, sa pagtatapos ng paglalakbay namin ng mga bagets sa kurso na tinuturo ko, kakikitaan sila ng self-management, creativity, critical analysis at capacity to act morally. (Ang hirap tagalugin). Ayan lang sulit nako sa tagal ng sweldo, overtime without pay at puyatan para magprepare ng lecture, magcheck ng exam at magbasa ng mga reaction papers nila at mga reflection/journal entries.

Hindi ko talaga masasabi na magaling akong instraktor. Pero wala akong kwestyon sa sarili ko na gusto ko na matuto talaga ang mga bagets. At gusto ko na sulit ang oras namin sa klase. Hindi madali lahat ng requirements ko pero sinusubukan ko talaga na ibigay sa kanila ang lahat ng pwede ituro para maging handa sila sa mga outputs na hinihingi ko sa klase.

May tama na ako ng alkohol. Umi-emo shiz nako.