Anong kinalaman ng gumamela sa Family Code

Hindi dapat boring pag-usapan ang Family Code. Ayan ang paulit-ulit ko na mantra habang ginagawa ang powerpoint slides para sa lecture ko sa kolehiyo. Pero naman. Ayoko talaga ang mga ganyang shiz.

Buti na lamang hindi natuloy ang pagpasok ko sa law school. Palagay ko bumubula na ang bibig ko sa kaburyungan.

Struggle talaga basahin. Kaya habang binabasa ko ang print ng Family Code, nagdodrowing ako ng gumamela sa mga tabihan ng mga puntos na gusto ko i-highlight sa klase.

Nakailang gumamela din ako.


Sa totoo lang, kung interesado ka sa konsepto ng kasal at mana, syempre excited ka sa ganitong shiz. Pero hindi naman ako interesado sa mana, dahil gwapo nako at matalino. Okay na yun na pinasa sa akin ng mga magulang ko. Hindi naman ako ganun ka perky sa topic ng kasal. Isinumpa ko na sa puso ko na hindi na iibig, kasal pa kaya.

Ginagapang ko talaga ang preparasyon ng usapan ng Family Code. Alam ko naman na mahalaga ito, kaya kahit hindi talaga ako interesado dito, pikit mata ko pa rin siyang nilagay sa syllabus ko ngayong semestre.

Ishare ko na lang ang ilang konsepto na may  gumamela sa print ko:

• Void ang kasal kapag hindi sinabi ng asawa mo na may STD siya bago ang kasal.
• Pwedeng hindi kumuha ng marriage license kapag ka-live in mo ang asawa mo ng limang taon. Ibang proseso ang pwedeng gawin.
• Kinikilala ng family code ang ibang uri ng kasal --katulad ng kasal ng mga ethnic groups.
• Kapag nasa bingit ng kamatayan ang mapapangasawa mo at hindi na niya kayang pumirma sa marriage contract, pwedeng witness ang pumirma para sa kanya. Basta patutunayan ito ng magkakasal.

Marami pang iba, pero hindi ko na sasabihin. Samahan niyo na lang ako sa penitensiya ng pagbabasa ng family code.