Nagpapanood ako ng pelikula tungkol sa pamilya

Hehe.May nagte-takenote habang nanood ng pelikula

Ayan ang larawan ng movie watching namin ngayong semestre. Nanood kami ng pelikula ni Juday at Ryan Agoncillo. Haha. Ang saya.

Nagsurbey muna ako sa klase kung ilan ang nanonood ng pelikulang Pilipino. At ilan ang nanonood ng Juday na pelikula. Dahil kokonti lang. Sakto.

Nanood kami ng Kasal, Kasali, Kasalo. Ayan ang introduksyon para sa usapan namin patungkol sa buhay may-asawa. Pati na mga paghahanda, bago ang kasal. At yung mga adjustments matapos ang kasal. Syempre sa konteksto natin.


Natuwa lang ako na may mga ilan na umiyak noong humingi ng tawad si Ryan kay Juday sa may bandang huli. Hehe. May kirot sa dibdib ng iba.

Ako talaga yung instraktor sa kolehiyo na jologs. Dahil hindi naman kasi ako pwede yung pa-class at pasosyal. Kasi hindi kaya ng karakter ko. Matagal ako nakalubog sa mga komunidad bago ako magtrabaho sa akademya. Dahil ayun ang karanasan ko, e di ayon ang gagamitin ko na tool sa pagtuturo.

Apat na batch ng popcorn yan. Iba-ibang flavors.

Syempre, dahil may movie watching, meron din popcorn. May tatlong bagets na nagbirthday na nagsabi na sila na daw bahala sa popcorn at juice. Naexcite ang klase. Tanong ko kung okay lang ba yun kasi extra gastos yun syempre sa mga bagets. Okay daw at treat na nila yun. Saka mura lang namann daw. Sa isip-isip ko, oo nga naman. May kaya nga pala ang mga bagets ngayon kumpara nung oras ko sa pamantasan. Napupuno na ngayon ang parking lot namin kumpara noong oras ko, naglalakad lang mga estudyante.

Balik ulit sa topic, ako ang nagmicrowave ng mga popcorn sa faculty room. Habang sila ang bumili. Natuwa ang mga bagets sa unlimited popcorn. Ang daming binili ng mga birthday celebrator.

Matapos ang movie watching, may output syempre sila. Para i-facilitate lang sa kanila ang pagpoproseso ng pelikula. Kaya may reaction paper sila. Ayun. Nganga ulit ako niyan. Mahirap magcheck ng papers. Haha.

Pero sige lang.