Bigla ko natanong, nasan na kaya si April Boy Regino

Hindi yan listahan ng mga utang. Listahan yan ng mga mga kanta na may kinalaman sa pag-ibig, unrequited love man yan, pagtatapat ng pag-ibig, pagbibigay ng mga pangako, pambabasted, at kung anu-ano pang shiz.

Kaya makulay ang papel, nakita ko kasi na madaming ganyan na itatapon  na sa basurahan. Hiningi ko na lang para magamit at masulatan. May ilusyon kasi ako na nakakapagligtas ako ng puno at maligno kung ginagamit ng maayos ang mga papel hanggang sa huli nitong piraso.

Anyway highway, boquet, croquet, nakasulat diyan yung mga love songs para sa charade bukas sa lecture class ko sa kolehiyo. Pinagbasa ko kasi ng mga teorya sa pag-ibig ang mga estudyante. Sana nga nagbasa sila. Kasi ayoko na magpagraded recitation at magsurprise quiz sa kanila. Hindi maganda ang resulta kapag natatakot sila sa klase. Mas gusto ko ang malayang diskusyon. Asus!

Saka sayang naman ang mahal na binabayad nila kada semestre na library fee. Mas mainam gamitin ang libro mga totoy at ineng kesa magwikipedia. Seryoso.

Ayun, ang mga kanta ay kanilang i-a-act out. Pero team effort ang act out. Dalawang tao ang magcha-charades. Haha. Ayan lang ang twist. Isipin mo na lang kung pano nila iaarte ang Halik na kanta ng Aegis. Hihi.

Kasama sa list ang mga sumusunod na kanta na ginawa namin at nang iba pang kasamang instraktor:

• Paper Roses (Vilma Santos. Oo, hindi si Jolina ang original)
• Nanghihinayang (Jeremiah)
• Honey, my love, so sweet (April Boyz at hindi si April Boy Regino lang ang kumanta niyan)
• Kaba (Tootsie Guevarra)
• Mister DJ (Sharon Cuneta)
• Am I In or Out? (Sandara Parks)
• Ay, ay, ay pag-ibig (Ara Mina)

Lampas apatnapu ang listahan ng kanta. Ang gagawin nila ay huhulaan ang ilan. Pagkatapos, pipili sila ng isa sa mga hindi masasama sa charades. At gagawan nila ng reaksyon paper base sa mga teorya ng pag-ibig na aming ididiskas sa klase.

Kung nagtataka kayo kung siyentipiko nga bang pinag-aaralan ang pag-ibig, ang sagot ay oo. Kilalang mga teorista sina RJ STernberg, John Lee, at kung sino-sino pa. Sa totoo lang, interesado talaga ang kurso na tinuturo ko sa semestreng ito. Kasama sa balangkas ko ang mga pag-aaral na ginawa patungkol sa ligawan, pagseselos at nakakatambling na attachment.

O basta, ganyan. Excited ako kung paano icha-charades ang Ay, ay, ay Pag-ibig ni Ara Mina. Hehe.