Boodle fight

Boodle fight is a style of eating where long tables are prepared and food are on top of the banana leaves. Viands and rice ready to eat using your bare hands, jugs of water are prepared on the side to wash hands before the "eating combat". With the signal to start the boodle fight, everyone aims for his/her position.

Eto yung isang therapeautic activity na ginawa namin sa isang youth detention center para solusyonan ang nakikitang espasyo sa pagitan ng mga kawani ng detention center pati na rin ng mga kabataan na pinagsisilbihan ng mga kawani.

Epektibo talaga ang pagkain bilang midyum ng pagsasama-sama at pagkakaintindihan. Instant bonding activity. Mas nakapag-usap ang mga kawani at mga kabataan. Sa maikling panahon, nakita nila na pwede silang may pagkaintindihan.

Siguro, kapag may mga conflict resolution ang gobyerno at mga kaibigan na mamumundok o kaya naman ay MILF, dapat bumabaha ng pagkain. May puwang sa kapayapaan kapag ang mga sikmura ay puno. Mas malawak ang isipan kapag busog.

Eto yung namimiss kong gawin ngayong nasa akademya na ako. Wala na ako sa "fieldwork". Hindi na ako naka-direct practice ng Gawaing Panlipunan. Nagsasalaysay na lamang ako ng karanasan ko sa mga kabataan at pamilya sa mga estudyante sa unibersidad. At umaasa na sana may ilan sa kanila na susunod din sa yapak ko na pumasok sa development work.

Emi-emo shiz na naman ako dahil gusto ko ulit gawin ng kaunti ang pagbababad sa mga kaibigan na nasa mahihirap na sitwasyon. At hindi ko alam kung may sense ang pinagtitipa ko ngayon sa entry nato.