May pitong bagay akong hiling.
Una ay makita kang muli Maria. Ikaw, ang tuwid at itim mong buhok,
ang biloy mo sa pisngi, maliit mong mga kamay. Ikaw at tanging ikaw.
Pangalawa, gusto kong ulitin kung kailan tayo unang nagkita,
ang makulimlim na tanghalian at ang sabay nating pagbili ng turon
kay Manang Monet.
Ikatlo ay sariwain ang unang pagkakataon na hinayaan mong hawakan ko
ang iyong kamay, sa harap ng mga kaibigan mo na naging mga kaibigan ko na rin.
Pang-apat ay balikan ang gabing sabay tayong nangarap
na magkapamilya balang araw. Ikaw na nanay ng pito kong anak,
ako na tagalaba at tagaluto mo kapag Sabado at Linggo.
Panglima, maalala ng mas detalyado ang araw na nagpakilala tayo sa magulang
mo at magulang ko. Na tayo ay nag-iibigan. At binigyan nila tayo ng basbas
sa ating relasyon.
Pang-anim, ay yoong sinamahan mo lang akong uminom noong nalaman ko
na namatay ang pinakapaborito kong lolo.
Natapos ako ng alas dos ng umaga na umiiyak, nahihilo at wala ng pera.
At huli sa lahat, nais kong hilingin na di na natuloy ang Lunes nitong linggo
noong sinabi mo na hindi ka na sigurado kung mahal mo pa ako.
Na napapagod ka na sa maayos nating pagsasama.
At may hinahanap ka na di mo makita sa akin.
Pitong kahilingan Maria. Lahat umiikot sayo.
Awww... kahit fiction lamang itong tula nyo sir, ramdam ko may pinaghuhugutan kayo eh. Na curious tuloy akong malaman kung sino talaga si Maria sa buhay nyo :))
ReplyDeleteMaria la del Barrio ang buo niyang pangalan :P
DeleteNapapansin ko na pagkaraan ng iyong pagbisita sa bansang Singapore ay tungkol sa puso ang karamihang iyong mga isinulat. Magandang balikan ang matamis na nakaraan at gawing inspirasyon sa kinabukasan. Wag lamang manatili sa nakaraan at laging nahihirapan. May darating para sa iyo at hindi lang pito ang iyong hihilingin dahil siya ang magbibigay sa iyo ng bagong pag-ibig at buhay. (Nahirapan subalit nagpumilit gumamit ng Filipino para sa iyo.)
ReplyDeleteOkay lang ser Jonathan na hindi magFilipino sa comment :) Pero natutuwa ako na nagpifilipino ka. Haha
DeleteTungkol sa Singapore, okay lang naman yung karanasan ko doon. Random shiz lang tong mga punpon ng salita.
Hindi kaya parusa ang pitong kahilingan? Halimbawang matupad nga lahat ng ito... parang panandaliang saya lamang lahat ng hiling na yan... at pagkatapos, mananariwa muli ang sakit na dulot ng kahapon...
ReplyDeleteTama na kasi... wag nang balikan... iba na lang ang hilingin... Move on na ser!
Ser Mar, yang mga what ifs na yan at could have-would-have ay penitensiya talaga. Pero anong saysay ng buhay kung wala yang mga iyan di ba? :)
DeleteFiction lang to? (insert curse word here) KALA KO REAL. Huhu. Despite that fact, naluha ako. Feel na feel kong totoo. Maybe it's a semi-fic? And more, may MARIA pala ako sa name ko. Wala lang. hahaha
ReplyDeleteEster Yaje, baka ikaw na ang hinahanap kong tunay na pag-ibig. Ahahay!
Deleteano ito? haha
DeleteWag ka ng makialam dito Pao. Magpaka-busy-busy-han ka na lang at wag sumagot sa mga tipa ng pangungusap.
Deletehmm parang may pinaghuhugutan ahh
ReplyDeletemejo relate ako sa last parang ganyan
feeling ko ee
Ser Mecoy, lahat naman ng akda laging may pinaghuhugutan. Ayun nga lang, pwedeng personal na karanasan o hindi :)
Deleteang lungkot.. bakit ganyan mga post mo lately.. parang laging may pinaghuhugutan.
ReplyDeleteYung susunod na post, may pinaghuhugutan din pero hindi malungkot :)
DeleteHahahaa tama si aaron para kang may pinaghuhugutan , hahahah si maria si maria! Inum nlng ntin yan
ReplyDeletePansamantalang tumigil ako sa inomm ser kulapitot.
Deletenasanay na akong tumingin sa label syempre. Pero bakit hindi pa rin ako convinced. haha.
ReplyDeleteSi Mariang mapalad.
Iba ang basa ko sa huli mong pangungusap.
Delete